Press "Enter" to skip to content

自住樓幾時都買得 呢個說話隨時害死人

真人真事!
某天,收到同學問盤…
同學: 親戚介紹我買呢個單位,收實598萬,你覺得點呀?
筆者: 呢個盤…冇乜水位喎!
同學: 600萬樓下借到8成嘛~~
筆者: 將來賣出去就唔止600架啦,好難搵人接喎~~
同學: 親戚話自住唔使諗咁多,負擔到就得。
筆者: 呢個親戚靠唔住啦!你諗住成世住呢度咩?

中伏了!誰說自住樓冇所謂?
幾乎每天都收到同學問盤,筆者也希望可以盡力幫他們把好關,免得買錯樓,尤其是新手同學,辛辛苦苦儲到首期,如果買錯樓,要坐艇甚至蝕錢就慘囉!很多人會覺得…自住樓冇所謂啦!就算層樓唔升,甚至跌些少,如果是自住樓,其實都冇影響。這是非常錯誤的思維,除非你打算一世住在這裡,又或者你錢多到不在乎,然而對很多打工仔來說,靠一層自住樓就可以扭轉命運。

情況一:你打算成世人住响呢度?

先唔講投資,就講自住,我們都希望將來有能力的時候,可以改善生活環境,越住越大,越住越好。然而今天樓價高企,再加上辣招不斷收緊按揭,樓價越高,可以借到的按揭成數就越低,例如你今天買了一個600萬的兩房單位,最高可以做8成按揭,即是120萬首期就可以買到了。假設5年後你想換三房單位,樓價是800萬,最多只可以借6成按揭,首期就要320萬,你要多拿200萬出來,錢從何來?難道靠打工短短5年間就可以儲到200萬?對很多打工仔來說都是天文數字,匪夷所思!當然有好多朋友都搵好多錢,唔係睇小你話你儲唔到,就算儲得到都要花很多功夫,唔抵嘛!

為甚麼不好好學習買樓,賺多個首期返來?
將來換唔換到樓,就看你今天的自住單位賺唔賺到錢啦!

以筆者剛剛幫親人買入的其中一個單位為例,幾個月前買回來的時候不到500萬,首期100萬就可以了。剛剛收鎖匙,樓下已經成交600萬了,估價已經去到620萬了,假設3年後SSD期滿,唔好期望升得多先,重返去年高位接近700萬,樓價已經上升200萬,連同之前的首期100萬、供款本金約30萬、40萬,已經超過320萬了,整個首期就賺回來了,何必要靠辛苦再儲錢?

情況二:你的將來就打算靠份工?

再進取一點,學會買樓,可以倍增資產,及早財務自由。
經濟環境不斷變化,今時今日工作已經沒有保障。之前都有篇文章講過,很多行業、職位都會被社會淘汰,尤其人到中年,人工有番咁上下,更容易被科技、新人所取代。以前一間公司、一份工作,可以維持幾十年,現在可以維持超過十年已經很不容易了。誰來保障你的將來?靠政府?靠買保險?最好的當然還是靠自己,累積到一定的資產,有財富,有被動收入,生活就無憂了。

如何累積資產、財富?如何創造被動收入?

方法有佷多,如果你擅於投資,股票、債券、REITS等等都可以。只是根據筆者過往的經驗,物業始終相對比較穩定、可靠的工具,尤其是香港的物業,受制於供應、辣招、財富效應等等,價格、租金都有一定的保障,若懂得玩財技,更可以做到一變二、二變四,例如早期的學員,幾層樓揸手是很平常的事,今天雖然難度較高,買樓也多了限制,但我們又玩大陸樓,又玩工廈,早就打破了辣招的限制,識買樓,財務自由其實很簡單。

以後唔好再講…自住樓冇所謂啦!

 

Comments are closed.

Mission News Theme by Compete Themes.